Ruanta

Karjalan Šivissyššeura eläy ajašša ta uuvvistau toimintuah vallalla olijan tilantehen mukah. Ylirajasen ruannan muuvvot on vaiheltu istorijan oloh. Nykyjäh ruatuo karjalaisien ta muijen yhtehisruatotahojen kera kehitetäh kumppaluon, tašavertaisuon ta molenpuolisen hyövyn pohjalta.

Karjalan Šivissyššeura järještäy vuošittain vuošikerähmön yhteyveššä pruasniekan, kumpani on avoin kaikilla karjalaisuošta kiinnoštunuisilla. Jokavuotisih tapahtumih kuulutah kaikella rahvahalla avonaiset luvennot, kumpaset niise tallennetah šeuran YouTube-kanavalla.

Omua lehtie šeura on julannun peruštamisešta šuaten. Enšimmäini lehti Karjalaisien Pakinoita ilmešty vuotena 1906 näytehnumeroloina. Jälempäisinä vuošikymmeninä lehti ilmešty eri nimilöillä: Toukomieš ta Viena-Aunuš. Vuuvvešta 1945 nimi on ollun Karjalan Heimo.

Uutisčuppu-šivuloilla julatah joka netäli karjalankieliset uutiset ta starinat kieleštä, kulttuurista ta ajankohtasista tiemoista. Ielläh šeura on aktiivini viestijä sosialisešša medijašša. Voit šeurata miän ruatuo Facebookissa, Instagramissa ta X:ssä.

Šeura on alušta šuaten julannun karjalan kieltä ta kulttuurie koškijie opaššuškirjoja, tutkimukšie, tietokirjoja ta kaunokirjallisutta. Ielläh on julattu äijä Karjalan Šivissyššeuran piirissä merkittävien henkilöjen elämäkertoja šekä Karjalan ta karjalaispakolaisien istorijua koškijie kirjoja.

Enšimmäini šeuran kuštantama kirja oli aapini Pieni Alku-opaštaja Vienan Karjalaisilla, kumpani ilmešty vuotena 1907. Julkuantaruato on iellähki šeuran tärkiempie alovehie. Kirjojen ta lehtien rinnalla julkuamma e-kirjoja tai muuta verkkomaterijalie. Šeuran omat julkaukšet löyvytäh verkkokaupašta.

Šivissyššeuran ruatoh on aina kuulun istorijan tallentamini. Täštä ešimerkkinä ollah yhissykšen šuurenmoiset arhiivat, Šampo-tietokanta ta Carelica-kirjašto. Tallentamalla istorijua ta perinnehtä šeura on nykysillä ta tulijilla šukupolviloilla šiltani männyöh aikah. Šeura ottau vaštah istorijallista ainehistuo ta esinehistyö ta šäilyttäy šen iče tahi huolehtiu šen asienmukasešta arhivoinnista tahi museimisešta.

Šeuran ruatuo rahotetah jäšenmakšuloilla, lahjotukšilla ta rahaštojen tuottoloilla.