Lataa sähkökirja (EPUB)
Lataa sähkökirja (PDF)

Oša 1: ennein (ote)

Kuušikymmentä vuotta takaperin, vuotena 1951, alko Helsinkin Šeurašuarešša häly, kun Karjalan Šivissyššeura käynnisti karjalaisen kyykän elvyttämistyön. Šeurašuarešša kyykkyä on lyöty yhtämittasešti šiitä alkuan. Vuosi 1951 oli niin kun hiekkakellon kaitasin kohta, šen jälkeh peli levisi koko muata pitin ta rajojen ulkopuolellaki. Ta jo ennein tuota vuotta pelillä oli pohatta istorija Karjalašša. Pelin elvyttämistyöhö ošallissuttih monet ihmiset, keškisie oltih Karjalan Šivissyššeuran entini pakinanvetäjä Boris Karppela, kumpasen šyntymäštä tuli kulunehekši täyvet šata vuotta 24. heinäkuuta 2010, ta šeuran pitkäaikani rahaštonhoitaja Kosti Pamilo, kumpasen šyntymäštä oli šata vuotta 11. tuiskukuuta 2012. Näijen merkkivuosien tähen on hyvä kerrata kyykän istorijua ta nykytilua, jotta šamalla kunnivoittua kaikkie niitä, ket on omalta ošaltah autettu tämän perintehellisen karjalaiskisan elvyttämistä ta kehittämistä. (…)