Seuran roindu

Päivännouzupuolen karjalazien pyrgimykset omien eloksenololoin da opastustazon kohendamizeh suadih vägie 1890-luvul virinnyös karelianizmas da Suomeh azetunnuzien karjalazien oman kodoilan suvaičukses.

Vuvvennu 1906 vienankarjalazet kaupiččijat da heijän suomelazet kannustajat perustettih Wienan Karjalaisten Liitto (Vienan Karjalazien Liitto), kuduan tavoittehekse oli otettu Vienan Karjalan hengizen da ainehellizen tilan kohendamine. Vuvvennu 1917 Liiton nimi muutettih Karjalan Sivistysseurakse.

Seuru on ruadanuh päivännouzupuolen karjalazien kul’tuuran, kielen da perindön kannattamizekse da opastamizekse enämbi sadavuodizen histourien aijan Suomen da Ven’an puolel.

jasenet
Wienan Karjalaisten Liiton (Vienan Karjalazien Liiton) alustajan kerähmön ozanottajat Vaazas keviäl 1906. Istumas huruas puolespäi rva Selma Kaukoniemi (Uhtuo), kaupiččii Timo Manner (Uhtuo), kaupiččii Pekka Pankkonen (Uhtuo), kaupiččii Aleksei Mitro (Uhtuo), kaupiččii Paavo Ahava (Uhtuo), rva Anni Kaukoniemi (Uhtuo), kaupiččii Iivo Kaukoniemi (Uhtuo). Tagan seizomas huruas puolespäi kaupiččii Simo Kaukoniemi (Uhtuo), dohtoru-inženieru Benjamin Mitro (Uhtuo), kaupiččii Jaakko Karppala (Jyškyjärvi), torguniekku A. Kanerva (Vuokkiniemi), kaupiččii Miitrei Arhippainen (Kiestingi), kaupiččii Vasili Andronoff (Uhtuo), kaupiččii K. Haurinen (Uhtuo) da kaupiččii Kirilä Lipkin (Vuokkiniemi).

Perustajat_TampereellaVienankarjalazien Liiton perustamiskerähmön ozanottajat Tamperehel vuvven 1906 elokuun allus. Sovis dai muusgi voibi huomata, gu alguhpanijat oldih Suomes kaikin tavoin hyvän sijan suannuot ristikanzat. Huruas reunas istumas on Iivo Kaukoniemi oman mučoin Annin kel, alarivis pienen brihačun huruas puoles istuu furažku piäs Iivo Härkönen. Pienen brihačun oigies puoles istutah Il’l’u Lammela da Timo Remšujeff (myöhembi Manner). Loitombazinnu keskel seizotah huruas puolespäi kaččojen Sakari Alanko da Benjamin sego Aleksei Mitrofanoff da O.A. Hainari vie loitombi valgeihattuzen naizen tagan.

Vienankarjalazien Liiton da Karjalan Sivistysseuran paginanvedäjät:

Vienankarjalazien Liiton ja Karjalan Sivistysseuran paginanvedäjät puaksuh ollah oldu täs ruavos monii vuozii.

Kauppunevvoi Aleksei Mitro (1906–1936)
Kauppunevvoi Ville Mattinen (1936–1953)
Sud’d’an sijahine Aleksi Lahelma (1953–1961)
Toimitusjohtai Boris Karppela (1961–1983)
Bankanjohtai Jorma Puustinen (1983–1991)
Diplomuinženieru Pentti Keynäs (1991–2001)
Yli-inženieru Ritva Kivi (2001–2009)
Toimitusjohtai Kari Kemppinen (2009–2011)
Eričysazientundii Eeva-Kaisa Linna (2012–)

Paginanvedäjien da halličuksen ozanottajien fotokuvat