Kard’alan Valgištuzsiebran (Karjalan Sivistysseura ry) ruadandan piämiär on ühtištada kard’alaižed, kudamad eletah valdkundalližen rajan puolel da toižel, pidamah huolt omas kieles, kultuuras dai identitetas. Piäazijan pidetah siebran členoiden dai muiden ruadajiden ühtesruad kard’alan kielen da kultuuran hengišpidamižeks.

Ühtištuz lujasti nojaduu liide- da rajakard’alaižeh indentitettah, kard’alaž-kalevalaižeh kultuurperimukseh da suomelaž-ugrilaižudeh. Kielen da kultuuran kohenduz da elospidand oldah ühtištuksen ruadandan keskkohtad. Hištorij on opastanu kard’alaižed pidamah arvos artelližut da toiženkestandad, kaikenluaduižiden rahvazd’oukoiden da uskondoiden vuorpaginah.

Ühtištuksen arvod oldah valgištuz, oigeduz omah kieleh da kultuurah, artelližuz, toiženkestand da kaikenmoižiden rahvazgruppiden da vieroiden keskehine dialog, kudamid ühtištuz edištau omal ruadandal.